भारततर्फको क्वारेन्टाइनमा राखिएक १ सय जना नेपालीलाई स्वदेश ल्याइएको छ । भारतको नौतनवास्थित क्वारेन्टाइनमा राखिएका नेपालीमध्ये १ सयजनालाई शुक्रबार सुनौली नाका हुँदै नेपाल ल्याइएको हो । नौतनवास्थित क्वारेन्टाइनमा रहेका ३ सय ३५ जनामध्ये १ सयजनालाई स्वदेश ल्याइएको हो ।
भारतका विभिन्न स्थानबाट घर फर्केका उनीहरुलाई गत चैत १८ गते लकडाउन र सिमाना सिल भएपछि सुनौली दशगजाबाट नौतनवाको क्वारेन्टाइनमा बस्नेगरी फर्काइएको थियो । रुपन्देहीका प्रमुख जिल्ला अधिकारी महादेव पन्थले ३ हप्ता अघि नौतनवाको क्वारेन्टाइनमा राखिएका नेपालीहरुलाई तीन चरणमा स्वदेश ल्याइने बताए ।
उनका अनुसार, उनीहरुलाई स्वदेश ल्याउने बारेमा केन्द्र सरकारले स्थानीय स्तरबाट निर्णय गर्नु भनेर निर्देशन दिएपछि स्वदेश ल्याउन थालिएको हो ।
