विश्वव्यापी महामारीको रुपमा फैलिएको कोरोना भाइरसको संक्रमणबाट ज्यान गुमाउनेको संख्या २ लाख ६५ हजार नाघेको छ । ३८ लाख २१ हजार ९१७ जनामा संक्रमण देखिएकोमा २ लाख ६५ हजार ५१ जनाले ज्यान गुमाएका हुन् । १३ लाख १ हजार ७२५ जना भने उपचारपछि निको भएका छन् ।

अमेरिकामा एकैदिन थप २ हजार ५२० जनाको मृत्यु भएको छ । गएको २४ घण्टामा कोरोनाका कारण २ हजार ५२० जनाले ज्यान गुमाएसँगै ज्यान गुमाउनेको संख्या ७४ हजार ७९१ पुगेको छ । अमेरिकामा एकैदिन २५ हजार ६० बढीमा संक्रमण देखिएसँगै संक्रमितको संख्या १२ लाख ६२ हजार ६९३ पुगेको छ ।

अमेरिकामा संक्रमितमध्ये २ लाख ६ हजार ३८२ जना उपचारपछि निको भएका छन् । ९ लाख ८१ हजार ५२० जना उपचाररत छन् । । १५ हजार ८२१ जनाको अवस्था गम्भीर रहेको छ ।

चीनको वुहानबाट शुरु भएको कोरोना संक्रमणको दर यूरोपियन मुलुक हुँदै पछिल्लो समय अमेरिकामा तीव्र देखिएको हो ।