संसदमा आइतबार (भोलि)देखि बजेट पूर्वको छलफल शुरु हुने भएको छ । भोलि बस्ने प्रतिनिधिसभा र राष्ट्रिय सभाको छुट्टाछुट्टै बैठकमा अर्थ मन्त्री डाक्टर युवराज खतिवडाले आर्थिक वर्ष २०७७-७८ को लागि विनियोजन विधेयकका सिद्धान्त र प्राथमिकतासम्बन्धी प्रस्ताव पेस गर्ने र त्यसपछि छलफल शुरु गर्ने कार्यसूची रहेको संसद् सचिवालयले जनाएको छ ।
राष्ट्रिय सभाको बैठक भोलि दिउँसो १ बजेपछि र प्रतिनिधिसभाको बैठक बिहान ११ बजेपछि बस्नेछ । प्रतिनिधिसभाको बेठकको सुरुमा शिक्षा, विज्ञान तथा प्रविधि मन्त्री गिरिराजमणि पोखरेलले रेडियोधर्मी पदार्थको नियमनसम्बन्धी विधेयक २०७६ माथि विचार गरियोस् भन्ने प्रस्ताव पेस गर्ने कार्यसूची छ ।
त्यसपछि अर्थ मन्त्रीले बजेट पूर्वको छलफलका लागि प्रस्ताव पेस गर्ने र त्यसपछि छलफल थाल्ने तयारी छ ।
