नवकान्तिपुर संवाददाता
काठमाडौं, २६ असार ।
भारत–पाकिस्तानको सीमामा एक जना गोर्खा आर्मी मारिएका छन् । भारत–पाकिस्तान सीमा जम्मु काश्मिरमा एक जना नेपाली गोर्खा आर्मी मारिएको भारतीय सेनाले जनाएको छ । शुक्रबार राति १ बजे जम्बु काश्मीरको लाइन अफ् कन्ट्रोल (एलओसी) क्षेत्रमा भएको गोलाबारीमा गुल्मी स्थायी घर भएका हवलदार सम्बर गुरुङको मृत्यु भएको हो ।
पाकिस्तानी सेनाको गोली लागेर घाइते भएका गुरुङको उपचारका क्रममा क्रममा मृत्यु भएको हो ।
भारतीय रक्षा प्रवक्ता कर्णेल देभेन्द्र आनन्दले गुरुङ एक साहसी, उच्च मनोबल भएका र इमान्दार सैनिक भएको उल्लेख गरेका छन् । ‘उनको कतर्व्य पालनाका क्रममा गरेको उच्च बलिदानीको मुलुक सधैं ऋणी रहनेछ’, उनले भनेका छन् ।
