पहिलो एकदिवसीय खेलमा आज(शनिबार) नेपाल र जिम्बाबे ‘ए’ भिड्दै छन् । काठमाडौँको त्रिवि मैदानमा हुने खेल नेपाली समय अनुसार बिहान ९:३० बजे सुरु हुनेछ ।

घरेलु मैदानमा नेपालले जिम्बाबे ‘ए’ विरुद्ध एकदिवसिय र टी–ट्वान्टी सिरिज खेल्न लागेको हो । नेपालले जिम्बाबे ‘ए’ सँग तीन ५० ओभरको र तीन टी-२० खेल खेल्नेछ । नेपाल जिम्बाबेलाई हराउँदै सिरिजमा सुखद सुरुआत गर्ने योजनाका साथ मैदान उत्रदैछ भने पाहुना टोली पनि घरेलु टोली नेपाललाई उसकै मैदानमा हराउदै सिरिजमा विजयी सुरुवात गर्ने योजनामा रहेको छ ।

जिम्बाबेविरुद्धको दोस्रो एकदिवसीय सिरिज नेपालले सोमबार र तेस्रो तथा अन्तिम खेल आगामी बुधबार खेल्नेछ । एकदिवसीय सिरिज पछि नेपालले टी-ट्वान्टी सिरिज खेल्नेछ । टी-ट्वान्टी सिरिज वैशाख २३ देखि २६ सम्म चल्ने छ । १० दिन चल्ने सिरिजमा जिम्बाबेका राष्ट्रिय टोलीमा रहेका खेलाडीको समेत सहभागिता रहने छ ।