केन्या टूरमा रहेको नेपालले घरेलु टोली केन्याविरुद्धको पहिलो एकदिवसीय खेल खेल्दैछ । आज(शुक्रबार) केन्याको नैरोवीस्थित जिमखाना क्रिकेट मैदानमा हुने खेल नेपाली समय अनुसार दिउँसो १२:४५ बजे सुरु हुनेछ ।

नेपाल एकदिवसीय सिरिजमा सुखद सुरुवात गर्ने योजनाको साथ मैदान उत्रदै छ भने घरेलु टोली केन्या पनि नेपाललाई हराउने सुरमा रहेको छ । यसअघि केन्याविरुद्धको भएको पाँच खेलको टी-२० अन्तराष्ट्रिय सिरिज नेपालले ३-२ ले आफ्नो पक्षमा पारेको थियो । नियमित टोलीका कप्तान सन्दीप लामिछाने क्यारेबियन प्रिमियर लिगका लागि वेस्ट इन्डिज गएकाले एकदिवसीय सिरिजमा नेपालको कप्तानी उपकप्तान रोहित कुमार पौडेलले गर्ने छन् ।

केन्याविरुद्धको आज पहिलो एकदिवसीय खेल खेल्न लागेको नेपालले दोस्रो एकदिवसीय भदौ १८ र अन्तिम एकदिवसीय भदौ २० मा खेल्नेछ ।