इंग्लिस प्रिमियर लिग फुटबलमा आर्सनल विजयी भएको छ । सोमबार राति भएको खेलमा आर्सनलले वेस्ट ह्यामलाई ३-१ ले पराजित गरेको हो ।

आर्सनलको घरेलु मैदानमा भएको एकतर्फी खेलमा खेलको २७ औं मिनेटमा सेड बेन्रहामाले पेनाल्टीबाट गोल गर्दै वेस्ट ह्यामलाई अग्रता दिलाएका थिए । पहिलो हाफ १-० मा सकिएको खेलमा दोस्रो हाफमा उत्कृष्ट पुनरागमन गर्दै आर्सनलले ३ गोल गर्यो । खेलको ५३ औं मिनेटमा आर्सनलका बुकायो साकाले गोल गर्दै खेललाई बराबरीमा ल्याए ।

त्यस्तै खेलको ५८ औं मिनेटमा ग्राबियल मार्टिनेलीले गोल गर्दै घरेलु टोलीलाई २-१ को अग्रता दिलाए । त्यसपछि खेलको ६९ औं मिनेटमा एड्डी एनकेटीहले गोल गर्दै आर्सनललाई ३-१ को सहज जित दिलाए । जितसँगै आर्सनल १५ खेलमा ४० अंक जोड्दै शीर्ष स्थानमा छ भने १६ खेलमा १४ अंक जोडेको वेस्ट ह्याम १६ औं स्थानमा रहेको छ ।