चेल्सीलाई पराजित गर्दै म्यानचेस्टर सिटी एफए कप फुटबलको चौंथो चरणमा प्रवेश गरेको छ । आइतबार राति भएको खेलमा चेल्सीलाई ४-० ले पराजित गर्दै म्यानचेस्टर सिटीले चौंथो चरणमा प्रवेश गरेको हो ।

म्यानचेस्टर सिटीलाई जित दिलाउन रियाद महरेजले २ गोल गरे भने जुलियन अल्भारेज र फिल फोडेनको नाममा समान १-१ गोल रह्यो ।एकतर्फी बनेको खेलमा खेलको २८ औं मिनेटमा महरेजले गोल गर्दै सिटीलाई अग्रता दिलाएका थिए । त्यस्तै खेलको ३० औं मिनेटमा अल्भारेजले पेनाल्टीबाट गोल गर्दै टोलीको अग्रता दोब्बर बनाए ।

त्यस्तै खेलको ३८ औं मिनेटमा फोडेनले गोल गर्दै सिटीको अग्रता तेब्बर बनाए । पहिलो हाफ ३-० मा सकियो खेलमा दोस्रो हाफमा म्यानचेस्टर सिटीले थप १ गोल रह्यो । त्यसपछि व्यक्तिगत दोस्रो गोल गर्ने क्रममा खेलको ८५ औं मिनेटमा महरेजले पेनाल्टीमागोल गर्दै म्यानचेस्टर सिटीलाई ४-० को शानदार जित दिलाए ।