नेपाल माल्दिभ्समा जारी फाइभ नेसन्स पुरुष बास्केटबल च्याम्पियनसिपको सेमिफाइनलमा प्रवेश गरेको छ । प्रतियोगिता अन्तर्गत लिग चरणको आफ्नो अन्तिम खेलमा आयोजक माल्दिभ्सलाई पराजित गर्दै नेपाल सेमिफाइनलमा प्रवेश गरेको हो ।

आइतबार राति माल्दिभ्सको मालेमा भएको खेलमा नेपालले माल्दिभ्सलाई ७५–६८ अङ्कले पराजित गरेको  हासिल गरेको हो । पहिलो खेलमा भुटानसँग पराजित नेपालले त्यसपछि लगातार  पाकिस्तान र बङ्गलादेशलाई हराएको थियो ।

प्रतियोगितामा तेस्रो जित हात पारेको नेपाल ४ खेलमा ७ अंक जोड्दै सेमिफाइनल पुगेको हो भने समान खेलमा ७ अंक नै जोडेको पाकिस्तान दोस्रो स्थानमा रहयो ।

यसैगरी समान ६ अङ्कका साथ बङ्गलादेश तेस्रो र भुटान चौथो स्थानमा रहँदा ४ अङ्क जोडेको माल्दिभ्स समूह चरणबाट बाहिरिएको छ । प्रतियोगितामा नेपालसहित दक्षिण एसियाका पाँच राष्ट्रको सहभागिता रहेको छ ।