श्रीलंकामा जारी एसीसी मेन्स इमर्जिङ टिम्स एसिया कप प्रतियोगिता अन्तर्गत नेपालले आज पहिलो खेल खेल्दै छ । आज हुने खेलमा नेपाल पाकिस्तान ‘ए’ विरुद्ध खेल्नेछ ।

श्रीलंकाको कोलम्बो क्रिकेट क्लबको मैदानमा हुने खेल नेपाली समय अनुसार बिहान सवा १० बजेबाट सुरु हुनेछ । नेपाल आज पाकिस्तानलाई पराजित गर्दै प्रतियोगितामा सुखद सुरुवात गर्ने योजनाको साथ मैदान उत्रदै छ भने उता पाकिस्तान पनि नेपाललाई पराजित गर्ने योजनामा रहेको छ ।

श्रीलंकामा असार २८ गतेदेखि साउन ७ गतेसम्म हुने प्रतियोगितामा नेपाल समूह ‘बी’ मा रहेको छ । समूहमा नेपाल सहित पाकिस्तान ‘ए’ , भारत ‘ए’ र युएई छन् भने समूह ‘बी’मा श्रीलङ्का ‘ए’, बङ्गलादेश ‘ए’, अफगानिस्तान ‘ए’ र ओमान रहेका छन् ।

आज आफ्नो पहिलो खेल पाकिस्तानका ‘ए’ टोलीसँग खेल्न लागेको नेपालले साउन १ मा दोस्रो खेल भारत ‘ए’ सँग र तेस्रो तथा समूह चरणको अन्तिम खेल साउन ३ गते युएईसँग खेल्नेछ । हरेक समूहका शीर्ष दुई टोलीले सेमिफाइनलमा स्थान बनाउनेछन् ।

नेपाली टोली :

कप्तान रोहितकुमार पौडेल

कुशल भुर्तेल

आसिफ शेख

अर्जुन साउद

कुशल मल्ल

गुल्सन झा

सोमपाल कामी

भीम सार्की

देव खनाल

प्रतिश जिसी

ललित राजवंशी

किशोर महतो

श्याम ढकाल

सूर्य तामाङ

पवन शर्राफ र

सन्दिप जोरा