केन्या टूरमा रहेको नेपाली राष्ट्रिय क्रिकेट टोलीले घरेलु टोली केन्याविरुद्ध पाँचौं तथा अन्तिम टी-२० अन्तराष्ट्रिय खेल खेल्दैछ । आज (मंगलबार) केन्याको नैरोवीस्थित जिमखाना क्रिकेट मैदानमा हुने खेल नेपाली समय अनुसार अपरान्ह ३:४५ मा सुरु हुनेछ ।

पाँच खेलको सिरिजमा २-२ को बराबरी भएपछि आजको खेल निर्णायक खेल रहेको छ ।आज दुबै टोली सिरिज आफ्नो पक्षमा पार्ने योजनाक साथ मैदान उत्रदै छन् । बिहीबार भएको पहिलो खेलमा नेपालले केन्यालाई ५ विकेटले हराएको थियो भने दोस्रो खेलमा घरेलु टोली केन्याले नेपाललाई १८ रनले हराएको थियो । त्यस्तै तेस्रो खेलमा केन्यालाई ४ विकेटले हराएको नेपाल चौथों खेलमा भने केन्यासँग ७ रनले पराजित भएको हो ।

टी-२० सिरिजपछि नेपालले घरेलु टोलीसँग एकदिवसीय सिरिज खेल्नेछ । नेपालले केन्याविरुद्धको पहिलो एकदिवसीय भदौ १७ मा, दोस्रो एकदिवसीय भदौ १८ र अन्तिम एकदिवसीय भदौ २० मा खेल्नेछ ।