जर्मन बुन्डेसलिगा फुटबलमा बोरुसिया डर्टमण्ड विजयी भएको छ । शनिबार भएको खेलमा बोरुसिया डर्टमण्डले साल्केलाई १-० ले पराजित गरेको हो ।

बोरुसिया डर्टमण्डलाई जित दिलाउन युसुफा मोकोकोले निर्णायक गोल गरे । पहिलो हाफ गोलरहित बराबरीमा सकिएको निकै प्रतिस्पर्धात्मक खेलमा दोस्रो हाफमा बोरुसिया डर्टमण्डले १ गोल गरेको थियो । खेलको ७९ औं मिनेटमा मोकोकोले गोल गर्दै बोरुसिया डर्टमण्डलाई अग्रता दिलाएका थिए । त्यसपछि थप समयमा दुवै टोलीबाट गोल भएन र खेल बोरुसिया डर्टमण्डले १-० ले आफ्नो पक्षमा पार्यो ।

यद्यपि दुवै टोलीले केही गोल गर्ने सुन्दर अवसर भने खेर फालेका थिए । यस जितसँगै बोरुसिया डर्टमण्ड ७ खेलमा १५ अंक जोड्दै अंक तालिकाको शीर्ष स्थानमा उक्लिएको छ भने समान खेलमा ६ अंक जोडेको साल्के १४ औं स्थानमा रहेको छ ।