कतारमा जारी फिफा विश्वकप फुटबलमा तेस्रो स्थानको खेल हुँदैछ । आज (शनिबार) तेस्रो स्थानको प्ले अफमा मोरक्को र क्रोएसिया भिड्दै छन् ।
कतारको खालिफा अन्तराष्ट्रिय स्टेडियममा हुने खेल नेपाली समय अनुसार राति ८:४५ बजे सुरु हुनेछ । आज दुबै टोली विश्वकपमा तेस्रो स्थान हासिल गर्ने योजनाका साथ मैदान उत्रदै विश्वकपमा सुखद अन्त्य गर्न चाहन्छन् ।
मोरक्को सेमिफाइनलमा साविक विजेता फ्रान्ससँग २-० ले पराजित हुँदा साविक उपविजेता क्रोएसियालाई अर्जेन्टिनाले ३-० ले हराएको थियो । यसअघि जारी विश्वकपमा मोरक्को र क्रोएसिया समूह चरणमा समेत प्रतिस्पर्धा गरेका थिए । जुन खेलमा दुबै टोलीले गोलरहित बराबरीखेलेका थिए । त्यस्तै प्रतियोगिताको फाइनल खेल भने आइतबार हुनेछ । विश्वकप उपाधिको लागि फ्रान्स र अर्जेन्टिना भिड्ने छन् ।
