इंग्लिस क्लब म्यानचेस्टर युनाईटेड काराबाओ कपको क्वाटरफाइनलमा प्रवेश गरेको छ । बुधबार राति भएको खेलमा बर्नलीलाई २-०ले पराजित गर्दै म्यानचेस्टर युनाईटेड क्वाटरफाइनलमा प्रवेश गरेको हो ।

म्यानचेस्टर युनाईटेडलाई जित दिलाउन क्रिस्टियन एरिक्सन र मार्कुस राषफोर्डलेसमान १-१ गोल गरे । खेलको २७ औं मिनेटमा एरिक्सनले गोल गर्दै म्यानचेस्टर युनाईटेड लाई अग्रता दिलाएका थिए । पहिलो हाफ १-० मा सकिएको खेलमा दोस्रो हाफमा म्यानचेस्टर युनाईटेडले थप १ गोल गर्यो ।

खेलको ५७ औं मिनेटमा राषफोर्डले गोल गर्दै म्यानचेस्टर युनाईटेडलाई २-० को सहज जित दिलाए । त्यस्तै बुधबार रत्ति भएको अर्को खेलमा यस्तै नटिङघम फरेस्टले ब्लाकवर्न रोभर्सलाई ४-१ ले पराजित गर्दै क्वाटरफाइनलमा स्थान पक्का गरेको छ भने चार्लटन एथ्लेटिकले ब्राइटनलाई पेनाल्टी सुटआउटमा ४-३ ले हराउँदै अन्तिम आठमा पुगेको छ ।