इंग्लिस क्लब टोटेनहम एफए कप फुटबलको चौंथो चरणमा प्रवेश गरेको छ । शनिबार राति भएको खेलमा टोटेनहम पोर्ट्समाउथलाई १-० ले पराजित गर्दै चौंथो चरणमा प्रवेश गरेको हो ।

टोटेनहमको जितमा ह्यारी केनले निर्णायक गोल गरे । निकै प्रतिस्पर्धात्मक बनेको खेलको पहिलो हाफ गोलरहित बराबरीमा सकिएको थियो । तर खेलको ५० औं मिनेटमा केनले गोल गर्दै गोल टोटेनहमला अग्रता दिलाएका थिए । टोटेनहमका लागि केनको यो २६५ औं गोल हो । त्यसपछि थप समयमा दुबै टोलीबाट गोल भएन र खेल टोटेनहमले १-० ले आफ्नो पक्षमा पार्यो ।

यद्यपि दुबै टोलीले केही गोल गर्ने सुन्दर अवसर खेर फालेका थिए । त्यस्तै साउथह्याम्पटन पनि एफए कप फुटबलको चौंथो चरणमा प्रवेश गरेको छ । क्रिस्टल प्यालेसलाई २-१ ले पराजित गर्दै साउथह्याम्पटनले चौथों चरणमा आफ्नो स्थान सुरक्षित गरेको हो । यस्तै लेस्टर सिटीले गिलीङघमलाई १-० ले पराजित गर्दै चौंथो चरणमा स्थान बनाएको छ ।