त्रिकोणात्मक टी-ट्वान्टी सिरिज अन्तर्गतको पाँचौं खेलमा मलेसिया र पपुवा न्युगिनी (पीएनजी) भिड्दै छन् । आज (शुक्रबार) नेपाल भ्रमणमा रहेका पाहुना टोली मलेसिया र पीएनजी भिड्न लागेका हुन् ।

किर्तिपुर स्थित त्रिवि क्रिकेट मैदानमा हुने खेल नेपाली समय अनुसार १२:३० बजे सुरु हुनेछ । मलेसिया सिरिजमा दोस्रो जित निकाल्दै फाइनल पुग्ने योजनमा रहेको छ । त्यस्तै पीएनजी पनि मलेसियालाई ठूलो अन्तरले पराजित गर्दै फाइनल प्रवेश गर्ने योजना सहित मैदान उत्रदैछ ।सोमबार भएको पहिलो खेलमा पीएनजी घरेलु टोली नेपालसँग १५ रनले पराजित भएको थियो, भयो दोस्रो खेलमा मलेसियासँग ८ रनले र तेस्रो खेलमा नेपालसँग ३७ रनले पराजित भएको थियो ।

यता मलेसिया भने पहिलो खेलमा पीएनजीलाई ८ रनले पराजित गरेको थियो भने दोस्रो खेलमा घरेलु टोली नेपालसँग ६ विकेटले पराजित हुन पुगेको थियो । नेपाल ३ खेलमा ३ जित सहित ६ अंक जोड्दै एक खेल अगाबै फाइनल प्रवेश गरिसकेको छ भने २ खेलमा १ जित र १ हारसहित मलेसिया दोस्रो स्थानमा रहँदा ३ खेलमा जितविहिन रहेको पीएनजी पुछारमा रहेको छ । मार्च २८ देखि अप्रिल ४ सम्म हुने सिरिजमा नेपाल, मलेसिया र पीएनजीले प्रतिस्पर्धा गरिरहेका छन् ।