नवकान्तिपुर संवाददाता
काठमाडौं, २३ भदौ ।
१७ वर्षीया बालिकालाई बलात्कार गरेको आरोप लागेका नेपाली क्रिकेटका कप्तान सन्दीप लामिछानेलाई पक्राउ पुर्जी जारी भएको छ । बिहीबार सन्दीपलाई जिल्ला अदालत, काठमाडौंले पक्राउ पुर्जी जारी गरेको हो ।
प्रहरी बृत्त गौशालामा एक १७ वर्षीय नाबालिगले सन्दीपविरुद्ध बलात्कारको उजुरी दर्ता गरेकी थिइन् । प्रहरीले घटनाको विषयमा थप अनुसन्धान गर्नु पर्ने भन्दै जिल्ला अदालतलाई पक्राउ पुर्जी जारी गर्न अनुमति मागेको थियो । सन्दीपविरुद्ध जाहेरी दिने किशोरीको घर नुवाकोट रहेको प्रहरीको उच्च स्रोतले बताएको छ ।
सन्दीप हाल क्यारेबियन प्रिमियर लिगको लागि वेस्ट इन्डिजमा रहेका छन् । लामिछानेमाथि लागेको अभियोग पुष्टि भए बलात्कार गरेको अभियोगमा मात्रै १० वर्षदेखि १२ वर्षसम्म कैद सजाय हुनसक्छ । सन्दीपसहित नेपाली टोली भदौ ६ गते केन्या प्रस्थान गरेका थिए ।
यो पनि पढ्नुस :
